تجربتي مع أنواع مختلفة من طلاء الأظافر

السلام عليكم 

صباح / مساء الخير
وحشششتني مدونتي و وحشني التدوين
 بإذن الله سنة 2019 راح تكون سنة التدوين
و هذا أول هدف حابه أركز عليه

**
 تدوينة اليوم عبارة عن ريفيو سريع و بسيط لكم نوع مناكير جربتهم بالفترة الأخيرة
ورأيي فيهم

النوع الأول : طلاء الأظافر من فلورمار

فلورمار عندهم أنواع مختلفة من المناكير تختلف بالشكل الخارجي و أيضًا بالقوام و الفرشة
جربت منهم هالنوعين و كانت تجربتها ممتازة مقارنة بسعرها
أتذكر حدود 15 ريال
ألوانها واضحة و من طبقة واحدة توضح وقوامها سلس و مدها سهل
و الفرشة صغيرة أقدر أتحكم فيها براحتي
حبيتها و أكيد اشتري منهم أكثر

النوع الثاني : طلاء أظافر مكياجي

هذا النوع اللي مكتوب عليه gel finish
قوامها أكيد ثقيل عشان تعطي مظهر الجل
جميلة جدًا و حبيتها و بسببها حبيت مظهر الجل بالمناكير
يعيبها شي واحد أنها بعد فترة تبدأ تثقل مره و تخرب
لكن مع ذلك تفوزعندي

هذا النوع اسمه الترا وير برضو من مكياجي
  ألوان هذه المجموعة رهييبة
بس تتقشر بسرعه

النوع الثالث : ال مناكير المعدني من مودلز اون

هذا النوع أنتشر وقت هبة المناكير الميتاليك
و للآن استخدمه و أحبه لونه الذهبي الشامبين
لونه بطل بطل
و قوامها ممتاز و يميزها أنها تنشف على طول من احطها انتظر ثواني تكون نشفت خلاص

 

شركة المناكير هذه تركية من أحلى الشركات اللي جربتها 

جربت هذا النوع matte finish 

و حبيته مره و ثااابت ما يتقشر 

و درجة اللون الرهيبة تشفع له 

و أخيرًا مناكير golden rose 

تميزت أن جودتها عاليه و بسعر مره ممتاز و مجموعة ألوان كبيرة 

بكل مكان سمعت عنها و فعلًا كانت قد المدح 

لون و فرشة و ثبات 

اللون الأحمر هذا درجته 39 

الأحمر الصريح اللي يحلي اليد و أكثر لون أدمنته منهم 

و بس 

إلى هنا انتهت التدوينة و أتمنى يناسبكم ذوقي و رأيي 

  مع ألف سلامة